新社會部落

Avant-garde!
Subscribe

要不畏強權的抗爭,不要餚底民主女神!

八月 09, 2009 By: 安東尼 Category: 社會透視

為香港爭民主,向曾蔭權施壓或者叫佢落台已經冇Q用,此所以七一遊行時嗌「曾蔭權不代表我」未能成為有強而有力o既政治口號。唯一出路就係要正面向北京爭取,今年港人親六四疏七一,帶出一個訊息其實很簡單  ─  光罵一個軟弱無能的魁儡政府其實很多餘,相反六四起碼具名指罵中共獨裁者一黨專政,後者的痛快才顯得有意思!

但泛民主派怕得罪中央,怕維園阿伯,怕俾人鬧為反對而反對,怕呢樣怕o個樣,而家「五區總辭」就想方設法推塘,怕輸都算,竟然怕嬴喎!!!

民主女神余若薇前日就係怕市民唔BUY,指港人一向實際,「要香港人投票,一定要畀佢地睇到目標係乜。如果冇好理由同目標,只會令人覺得係玩o野。」對於泛民以2012年雙普選單一議題參選的建議,余就指:「陳太同葉太選時已做過一次,結果亦好清晰畀人睇到,咁係咪得到 2012雙普選?」指若然變相公投成功,但政府仍拒落實 2012年雙普選,「咁到時係咪又要再試?」她認為行動的每一步必先計劃清楚。

因為目標唔清晰,就會俾人覺得泛民五區總辭係玩o野,難道2012爭取普選呢個單人議題仲唔夠清晰???

講到補選勝算,輸又驚,嬴又驚!!!

怕輸,因為佢冇信心爭取到香港人o既支持,呢個唔知佢對自己冇信心,抑或對香港人冇信心喇!

怕輸都算,呢個民主女神竟然仲要怕嬴!!!好唔好笑?

抗爭o既勝利係要自己爭取o既!革命不是請客吃飯,為香港爭取普選何嘗不是?

每一步要計劃清楚點計劃,而家就靠你民主女神囉住個火把出o黎同我地計劃o丫嘛!!!

唔係好似陶傑話六十個立法會議員都係隨風擺聊o既政治投機動物o丫嘛!!!

我覺得民主女神好應該睇o下人o地中七o個個鄭詠欣同學o個篇畀溫家寶o既公開信,呢位冇領導承擔o既民主女神係咪應該為鄭同學o既赤子之心感到汗顏呢?

而我好希望鄭同學除左關心國家o既公義問題之外,都可以抽空寫一篇「給民主女神的禱告文」,帶領我o地一齊向民主女神行「神職」(神蹟是神的「職」責),拯救香港人爭取2012雙普選!

香港人要不畏強權的抗爭,不要餚底民主女神!

題中的所謂「餚底」,有人可能會挑剔小弟寫白字,但其實另有歧意。

此「餚」不同彼「淆」。沒錯,前者是菜餚的餚,所謂餚底,照字面解,就是以菜餚為底線,咁餚底民主女神,咪即係‧‧‧????小弟唔講咁白喇,看管隨便發陣想像空間啦,hehe~~

3 Comments to “要不畏強權的抗爭,不要餚底民主女神!”


  1. 白光 says:

    從來沒有當過這位業餘的自命民主代言人是民主女神。差太遠了吧?安東尼兄早就不應該抱有幻想,那就沒有「餚底」的「民主女神」這麽犯駁的Term屎了。

    當個資深大律師,收受富豪金源,親英崇美,然後業餘來當立法會議員,還要壟斷爭取民主的話語權,這樣就是民主女神的話,我們的民主前景絕對堪憂。

    安東尼兄就算加上餚底、淆底等字,都不可能將女神兩字輕易送給這位香港的貴族。

    1
  2. 青峰 says:

    民主女神和香港昂山素姬,都係得啖笑。

    2
  3. 安東尼 says:

    推佢做神一o的都唔緊要, 好似毓民話齋, 成功不必在我, 俾你擔大旗又點話!

    但係你唔想做, 就唔好阻住地球轉, 做就做, 唔做就唔做, 死就死, 老味就老味!

    唔好再扼香港人, 蘋果都唔好再捧佢做咩民主女神!

    如果佢地都係堅持被動扮爭取, 不如索性企埋去保皇黨果邊, 唔好魚目混珠, 乾脆做個貨真價實飯碗派!!!

    而我認為, 總辭攪唔攪得成, 現時成敗全孚民主女神首肯, 當公民黨都點頭, 民主黨就唔跟唔得!

    叫得做神就唔好扼尻人!

    3


請在此留言

*
To prove you're a person (not a spam script), type the security word shown in the picture. Click on the picture to hear an audio file of the word.
Click to hear an audio file of the anti-spam word